Hainreich Niderhofer und Barbara, sein hausfrau habent versaczt die uberteurung ir paider hewser, aneinander gelegen im Vischhof genant der Voglin haus und stóssend herfur mit den kremen an den Hohenmarkcht zenagst des Vannawer haus an aim tail. Uber die vir mal, die das spital vor darauf hat, und uber die dritthalbhundert pfund phening, darumb sy ir vorders grossers haus hern Hannsen dem Würffl nachmalen verphentt habent, den erbern Sigmunden Téglich und Veiten Schatawer, als gerhaben und zu handen Wolfgangs, Ulreichs¹, Barbaren und Clarn, Wenczlabs des oler seligen kinder, und irn erben umb l tl. d., die in von des egnanten hauss wegen zugebürnt und sind zu beczalen wan dieselben kinder vogtpér werdent an alles vercziehen. Actum an Montag vor sand Peters und sand Pauls tag, anno etc. xlvito.

Summa iii s. x d.

Habet cedulam.

Nota die egnanten l tl. d. sind zum puch gelegt worden, an Mitichen ante undecim nilium virginum lviio.