Eintrag vom 1447-11-17Informationen zum Dokument

Hanns Megenprecht, der goltsmid, und Kathrey, sein hausfraw, habent verchaufft sibenthalb pfunt phening gelts purkrechts auf irm haws, am Alten Kolmarkcht zenagst Hannsen Unverdrossen des plattner haus gelegen. Umb zwayundfünffczig pfundt phening, und sind emaln gelegen auf Fridreichen des kochs haus und hofstat weingarten im Gereutt, dem erbern Jorgen Pruntaler, kirchmaister zu Sand Michel, und seinen nachkomen. Der funf pfunt gelts gehornt zu Niclasen Zergadmer jartag den im ain kirchmaister daselbs jerlich begen sol des nagsten tags vor unsers fraun tag conceptionis oder des nagsten tags hinnach des nachts mit ainer gesungen vigili des morgens mit aim gesungen selambt mit ausgerichtem pargleutt kerczen und messprechen als solher jartég zu begen sit und gewonhait ist und zu ainem ewigen ölliecht, das an underlas alle nacht in unser lieben fraun abseitten ewiclich leuchten und prynen sol. Durch des egnanten Zergadmer sel hails willen und die ubrigen zwelf schilling gelts gehörnt zu des Staindleins jartag den ain kirchmaister alle quatember in der benanten kirchen begeen sol als auch solher jartég gewonhait ist und sind zu dienen zu drein tégen und wider abczukauffen miteinander und den nagsten dinst damit, ut littera sonat. Actum an Freitag vor sant Elspethen tag, anno etc. xlviio.

Summa iii s. xiiii d.