Hanns Kewsch hat versaczt die uberteurung seins hauss und zuhauss, aneinander gelegen am Alten Fleischmarkcht am egk zenagst dem gésslein als man zu Kolnerhof get an aim tail und an dem andern zenagst Otten des Meczner haus, uber die hundert und zwainczig phund phening, die vor darauf sind und Kunrat Lémpershaimer geschafft hat zu seiner messe auf Sand Florians altar zu Sand Steffan zu Wienn ausczurichten, und uber die zwayhundert phunt phening haimsteur und morgengab, die der obgenant Kewsch Kathrein seiner hausfraun nachmalen darauf verschriben hat nach lautt ains heiratbriefs den sy darumb hat. Derselben Kathrein, seiner hausfraun, die emalen Niclasen Krug seligen eelichen gehabt hat und desselben Krug nagsten erben, umb anderthalb hundert phund phening die der egnanten Kathrein von dem benanten Krug irn erern mann seligen morgengab sind. Also das dieselb Kathrey die benanten anderthalbhundert phund phening auf der uberteurung des egnanten hauss innhaben nuczen und niessen sol ir lebtég unverkumert als leibgedings recht ist und nach irm abgang sullen dieselben anderthalbhundert phunt phening hervor hinwider erben und gevallen auf des obgnanten Niclasen Krug seligen nagst erben darauf sy dann zurecht erben und gevallen sullen der sy dann von der uberteurung des hauss irm surphand bekomen sullen und mügen als der statrecht ist, ut littera sonat. Actum an Montag vor sand Lucein tag, anno etc. xlvii.

Summa x s. d.

Nota der saczbrief ist in den rat gelegt.¹