Hanns Unverdrossen, helmsmid, und Barbara, sein hausfrau, habent verchaufft fünffthalb phund phening gelts purkrechts auf irm haws, gelegen am Alten Kolmarkcht, das von Jacoben von Brúnn dem sneider mit kauff an sy komen ist, zenagst Hannsen Schúchl des goltsmids haus, davon man jerlich dint hern Jorgen Schrot, kapplan Sand Peters cappellen zu Wienn und verweser der mess die weilent Eberhart Kasstner daselbs zu stifften geschafft hat, zehen phund phening zu purkrecht die abczulosen sind mit hundert phund pheningen nach lautt ains purkrechtbriefs und nicht mer. Umb sechsunddreissig phund phening, bruder Kunraten Mospach, prior, und dem convent des klosters zu den Weissenbrudern und irn nachkomen und sind zu dienn zu drein tégen und wider abczukauffen miteinander und den nägsten dinst damit, ut littera sonat. Actum an Montag vor Philippi et Jacobi apostolorum, anno etc. xlviiio.

Summa lxxii d.

Das purkrecht ist abgelost und zu dem puch erlegt worden feria sexta ante Jeori, anno etc. liido.