Hanns Herman hat versaczt die uberteurung seins hauss, gelegen am Harmarkcht an dem egk zenagst der gassen als man an den Alten Fleischmarkcht get gegen Jörgen von Nicolspurg haus über an aim tail und an dem andern zenagst weilent Ulreichs von Steir haus. Über die sechshundert phund phening guldein, darumb es Hannsen Ungerland erhalt vormalen versaczt ist nach lautt ains briefs, der erbern Kathrein, seiner hausfraun, umb zwaihundert phund phening haimsteur und drenhundert phund phening morgengab nach der statrechten zu Wienn, ut littera sonat. Actum an Mitichen vor sant Lucein tag, anno etc. xlviiio.

Summa iiii tl. xl d.

Nota umb die vc tl. d. haimsteur und morgengab hat Hanns Herman die egnant sein hausfrau geweist und ir dafur versaczt das egnant haws halbe das im gegen Hannsen von Geraw an der tailung gevallen ist, ut littera. Actum quarta post Erasmi, anno etc. liiio.