Eintrag vom 1449-03-28Informationen zum Dokument

Hanns Wepekch, kursner, hat verkaufft drew phunt phening geltz purkrechtz auf seinem haws, gelegen am Kienmarkht zenagst Larenczen Sixt haus, davon man jerlich dint dem kirchmaister zu Sand Michel zu Leupoltz des Prúnner selgret und jartag vi tl. d. zu purkrecht, nach laut ains purkrechtbriefs, und nicht mer. Umb xxiiii tl. d. dem erbern Jorgen Pruntaler, dieczeit kirchmaister der benanten kirchen und seinen nachkomen, der ii tl. geltz zu Jorgen Gutawer und ain phunt geltz zu Niclasen des Kremser jartag gehornt. Und sind zu dienn und wider abzekauffen, ut littera sonat. Actum an Freytag vor Judica, anno domini etc. xlviiii.