Hanns Herolt, messrer, hat versaczt die ubertewrung seins hauss, gelegen im Hünrgesslein am egk, undern Taschnern gegen dem Taschenhaws uber, zenagst Leupolts Weissen haus, uber die hundert funfunzwainczig phunt phening, die frawn Kathrein, weilnt des Swarczen Petern hausfrawn seligen nagsten erben vor darauf verschriben sein, nach lautt ains briefs darüber gegeben. Dem erbern Hannsen, des egenanten Swarcz Petern des schuster und Kathrein seiner hausfrawn seligen sun, der noch nicht vogtper ist, und seinen erben umb acht und virczig phunt phening. Und sind zu beczaln, wenn derselb Hénsl vogtper wirdet oder, ob er ungevogter abging, seinen nagsten erben, wenn si die vordernt, darnach ynner dem nagsten moneid an alles vercziehen, ut littera sonat. Actum an Montag nach sand Stephans tag im snit, anno domini etc. xlviiiio.

Summa iii s., vi d.

Nota den sacz hat der egnant Hensl ledig gesagt an sand Pertlmes abend, anno etc. lvito.