Eintrag vom 1449-12-22Informationen zum Dokument

Hanns Haringseer, dietzeit des rats der stat zu Wienn hat versaczt sein haws, gelegen in der Münsserstrass, zenagst Steffans des Gibing haus an aim tail und an dem andern zenagst Kunrats des Pilgreim haus, dem erbern Hannsen Winkchler, mitburger zu Wienn. Umb achtzig phunt phening, der xxxii tl. sein und seiner hausfrawn Barbaren haimsteur und xlviii tl. phening margengab sind und bey der stat gruntpuch gelegen sein. Dieselben achtzig phunt phening der egenant Haringseer und sein erben in widerumb ausrichten und beczalen und zu der stat gruntpuch niderlegen sullen, in den rechten, als sy vor dabey gelegen gewesen sind, von den nagstkunftigen Weichnachten uber ain gancz jar, an widerred und an alles vercziehen, ut littera sonat. Actum an Montag nach sand Thomans tag Apostoli, anno domini etc. xlviiiio.

Summa v s. x d.