Eintrag vom 1451-02-05
Hanns Strasser von Vischamünd hat versaczt sein haws gelegen und stadl dapey gelegen hinder Sand Larenczen kloster bey dem Rotenturn zu Wien zenagst Petern Zechmaisters haus, davon man jerlichen dint Hawnolts des Schúchler seligen erben ain virtail eins czenten lautters unslids zu purkrecht und nicht mer. Dem erbern Veiten Ebmer, floczer, seinem vettern und seinen erben umb zwenundfunfczig Ungrisch gulden, gerecht in gold und wag. Und sind zu beczaln auf unsers Frawn tag der Liechtmess nagstkunftig anvercziehen. Actum an Freytag vor sand Dorothea tag, anno etc. lprimo
Summa iii s. d.
Zitierhinweis
Eintrag vom 1451-02-05, Nr. 00668, In: Ertl, Thomas/Andorfer, Peter/Fiska, Patrick/Weinbergmair, Richard/Grünwald, Korbinian: Ein Wiener Grundbuch des 15. Jahrhunderts. Digitale Edition des Satzbuch CD (1438-1473). (Mai 2021), https://grundbuecher.acdh.oeaw.ac.at/e00668_1451-02-05.html