Hanns Kanstorffer, dieczeit des rats der stat zu Wienn und kellermaister in Österreich hat versaczt sein haws, das er von dem abtt zu Altenburg kaufft hat, gelegen in der Weihenpurg gegen Kötweig hof über, zenagst Pe maister Petern Volczian haus an aim tail. Seinem steufsun Erasm Kieler, Hannsen des Kieler seligen sun umb zwaihundert und newnczig phund phening, die demselben Erasm von seins hauss wegen, in der Kernerstrass oben am egk pei Kernertor gelegen, das im sein vater seliger geschafft het und der egnant Kanstorffer und sein hausfrau Barbara, desselben Erasms mutter, als sein gerhaben dem abtt zu Altenburg verkaufft habent, zugebürnt. Und sind zu beczalen, wenn derselb Erasm vogtpér wirdet und die ervordert, darnach ynner den nagsten vir wochen anvercziehen. Wér aber, das er mit dem tod abging ee wenn er vogtper würde, so sullen denn die vorgnanten zwaihundert und newnczig phund phening gevallen auf die benant Barbaren, sein mutter, nach lautt des obgnanten Kieler, seins vaters seligen gescheffts, das in dem statpuch geschriben stet. Die ir dann auch der obgenant Kanstorffer und sein erben, so es zu solhem val kúmt, ausrichten sullen, wenn sie die vordert und nicht lenger peiten wil, darnach ynner den nagsten vir wochen an alles vercziehen, ut littera. Actum an Freitag nach Sand Giligen tag, anno domini etc. lmo.

Summa xviiii s. x. d.

Item die geltschuld ist umbgeschriben worden auf sein haws mit seiner zugehorung, gegen sand Yeroiy über, an sand Elspeten tag, ut littera sonat, anno lviiii.

Nota der egemelt saczbrief und damit ein gerhabbrief ist in den rat gelegt worden, zu des egnanten Kieler und seiner mutter handen.