Eintrag vom 1452-09-01Informationen zum Dokument

Heinreich Niderhofer und Barbara sein hausfraw habent versaczt die uberteurung irer zwair héwser

Heinreich Niderhofer und Barbara sein hausfraw habent versaczt die uberteúrung irer zwair héwser, aneinander im Vischhof gelegen, genant der Vogelin héuser, und stossent herfür mit den krémen an den Hohenmarkt, zenagst Larenczen Swanczen haws an ainem tail. Uber die vir mal, die man jerlich davon dient und raihen sol den armen durftigen leúten in der burgerspital und abzulosen sind mit dreinhundert phunt pheningen, nach laut ains briefs. Und uber die funfczig phunt phening, die Wolfgangen, Ulreichen, Barbaren und Clarn, Wenczlaben des Oler kindern darnach darauf verphent sind, dem edeln Erharten Paternustrer umb zwayhundert und virczig guldein Ungrischer, gerecht in gold und wag. Und sind zu beczaln von dem nagstkunftigen sand Pauls tag der Bekerug, uber ain ganczs jar anvercziehen, ut littera sonat. Actum an Freytag vor Anthoni, anno etc. liido.

Summa xv s. d.