Eintrag vom 1452-02-13Informationen zum Dokument

Hanns Waicz der kursner hat versaczt sein haus, gelegen am Hohenmarkt undern Wendkrémen, oben am egk in dem Kramhof zenagst dem Perkhof an aim tail und an dem andern zenagst Hannsen Pair des schuster haus. Seiner hausfraun Kathrein, Mathesen Lanczperger des schuster seligen tochter umb hundert phunt phening haimsteur und umb zwaihundert phunt phening morgengab, nach der statrechten, nach innhaltung ains briefs. Actum an Montag vor sand Juliana tag, anno etc. liido.

Summa ii ½ tl. d.

Nota der vorgenant gémechtbrief ist zu der egnanten Kathrein handen in den rat gelegt worden.

Nota nach der benanten Kathrein tod, die vor irem erern mann dem Waiczen abgangen ist und im kain kind, die sy miteinander hieten gehabt, lassen, sind die iic tl. d. dem Waiczen ledig worden. Und die andern ic tl. d. haymstewr seinem Jorgen Zymerman, kursner, dem des egenanten Waizen gescheftleut das haws verkauft haben, darauf ansteen. Beliben der die nachmallen zu dem puech nydertgelegt und Blasi Englhartstetter, statkamrer, datum nach bevelh des rats gehabt hat, ut quittung beym puech ligund. Actum an Freytag nach Letare, anno etc. 92. Und ist darauf nachdem darzu chain erben vorhannden ist, der sacz ausgetan.