Hanns Züchtig hat verchaufft sechs phunt gelts purkrechts auf seim haws, in der Sunigerstrass gelegen, zenagst Jacoben Rechwein ramhof mit der obern seitten, umb achtundvirczig phund und sind emalen gelegen gewesen auf Hannsen Unverdrossen des plattner haws am alten Kolmarkt. Dem erbern hern Jorgen Schrot, caplan der messe, die Hainreich Kessler auf Allerheiligen altar zu Sant Steffan gestifft hat, und seinen nachkomen. Und sind zu dienn zu drein tegen und wider abczukauffen miteinander und den nagsten dinst damit, ut littera. Actum an Samstag nach dem heiligen Auffert tag unsers Herren Jesu Cristi und nach seiner gepurd virczehenhundert und im zwayundfunfczigisten jare.

Summa lxxx d.