Hanns Welser hat versaczt sein haws, gelegen in der vordern Pekchenstrass, zenagst des Kreussen haws an aim tail und stosset mit dem hindern tail an die padstuben in der p Wolczeil. Den erbern Steffan Tengken und Hannsen Frankchen, anstat und als gerhaben Hannsen und Yeronim, Hannsen von Wels, seins vorvordern seligen kindern, die noch nicht vogtper sind, und derselben kinder erben vaterhalben. Umb virhundert phund phening und sind zu beczalen, wan dieselben kinder vogtpér werden und in irn beschaiden jarn koment an alles vercziehen. Und sol auch dieselben kinder dieczeit innhaben, ziehen und verwesen und mit kösst, gewant und mit allen andern irn notdúrfften, als solhen kindern zugebürt, versorgen, an abslag irs guts ungeverlich, ut littera sonat. Actum an sand Mathias abent des heiligen Zwelfpoten und Ewangelisten, anno domiini etc. liido.

Summa iii tl. lxxx d.

Nota die egenanten cccc tl. d. hat Hanns Welser zu der stat gruntpuch nidergelegt, zu der egenanten kinder handen, an Montag post Petri et Pauli, ano etc. lvto.