Eintrag vom 1453-06-11 Informationen zum Dokument

Hanns Herman hat versaczt die uberteurung seins halben hawss, ganczes gelegen am Harmarkcht, an dem egk gegen Jorgen von Nicolspurg haws uber, zénagst der gassen an aim tail und an dem andern zenagst Adams Hertting haws. Und ist der ander tail desselben hauss mit allen den gméchen und gemainen stukchen die nach laut der tailbrief darczu gehornt der erbern fraun Elspethen Niclasen Vorster hausfraun die emalen Steffan Awer schebhuter seligen auch elichen gehabt hat seinen swiger anstat und zu handen Steffans irs súns den si mit seim leib und gut in gerhabsweise innhat uber die funfhundert phund phening.

Hanns Herman hat versaczt die uberteurung seins halben hauss, ganczes gelegen am Harmarkt, an dem egk gegen Jorgen von Nicolspurg haws uber, zenagst der gassen an aim tail und an dem andern zenagst Adams des Hertting haws. Und ist der ander tail desselben hauss mit allen den gmechen und gemainen stukchen die nach laut der tailbrief darczu gehornt. Uber dy funfhundert phund phening haimsteur und morgengab, darumb er dasselb halb haws Kathrein seiner hausfraun emalen versaczt hat, nach laut irs heiratbriefs. Der erbern fraun Elspeten, Niclasen Vorster hausfraun, die emalen Steffan Awer, schebhuter seligen auch elichen gehabt hat, seinem swiger, anstat und zu handen Steffans, irs súns, den si mit seim leib und gut in gerhabsbeis innhat. Und sind zu bezcalen von datum der saczung uber ain ganczes jar an alles vercziehen, ut littera. Actum an Montag vor sand Veits tag. anno etc. liiio.

Summa vi s. xx d.

Habet cedulam Steffanus filius.