Hanns Rannt der sporer und Margret sein hausfraw habent verkaufft ain phunt phening gelts purkrechts auf der ubertewrung irs hawss, gelegen hinder Sand Pangreczen, zenagst Jacoben Nadler haus an aim tail. Uber die zway phunt phening gelts purkrechts, so der kirchmaister zu Sand Michel zu des Arrer jartag vor darauf hat, und uber die xxvi tl. d., so Wolfgangen, Hainreichs Eschelbach des Brúnner seligen sun und seinen erben nachmaln darauf verschriben sein, nach laut des gruntpuchs. Umb acht phunt phening dem erbern hern Larenczen Rat, kaplan der mess, die Hans Reichel hinder Sand Pangréczen seliger auf Sand Barbara und Sand Dorothea altar auf dem letter zu Sand Michel gestifft hat, und seinen nachkomen. Und ist daz vorgenant phunt gelcz zu dienn zu drein tegen und wider abzukauffen miteinander und den negsten dinst damit, ut littera sonat. Actum an Mitichen vor sand Stephans tag im snit, anno domini etc. liiio.

Summa xvi d.