Eintrag vom 1454-01-21Informationen zum Dokument

Hanns Gersse hat seiner hausfrawn Barbaren, Conrats Ernsts seligen tochter, die emaln Wenczlaben Rétenperger auch elichen gehabt hat, gemacht und geben tausent phunt phening guter landeswerung in Osterreich zu ledigen gút, die si ledigklich haben, schaffen, machen oder geben sol und man, wie und wem si will. Auf seinem haws und zuhaws hinden daran, zu Wienn undern Satlern, zenagst der Dorffnerin haws gelegen, das er ir dafur in saczesweis ausgeczaigt und verschriben hat. In solher maynung, daz die vorgenant fraw Barbara sol nú und hinfur die egenanten tausent pfunt phening auf dem benanten haws mit seiner zugehorung lediklichen haben und allen irn frumen damit schaffen, machen und geben, wem si will und mag. Auch si oder, wem si die schafft, macht oder geit, derselben tausent phunt phening bekomen von demselben haws und seiner zugehorung, als von irm furphant, sacz und der stat recht ist. Beschéch aber, dacz die egenant Barbara mit dem tod abging ee denn der obgenant ir man Hanns Gersse, si haben kinder miteinander oder nicht, dennoch sol er daz egenant haus mit seiner zugehorung peulich innhaben, nuczen und niessen unverkumert. Und nach seinem tod und abgang sullen die egenanten tausent phunt phening auf dem egenanten haws und seiner zugehorung erben und gevallen, dahin si die egenant Barbara bei iren lebttégen gemacht, geschafft oder gegeben het, der si dann von dem egenanten haws und seiner zugehorung bekomen sullen und mugen, als solhs saczs und der stat recht ist, ut littera sonat. Actum an sand Agnesen tag anno etc. liiiito.

Summa viii tl. d.

Gerss habet cedulam.

Idem habet cedulam.

Nota die obgenant fraw Barbara hat über die gruntzedeln, die noch unversert vorhannden ist, ain todbrief geben und ligt bey dem puch. Actum an Montag ante Katherine, anno etc. lxviimo.