Hanns Waicz der kürsner, mitburger zu Wienn hat verkaufft zehen phunt phening geltes purkrechts auf der überteurung seins hauss, gelegen am Hohenmarkcht am egk, zenagst dem Perkhof an aim tail und an dem andern zenagst Hannsen Payr des schuster haus. Über die drewhúndert phunt phening haimsteur und morgengab, die er seiner hausfraun Kathrein vormaln darauf verschriben hat, nach laut ains briefs, umb hundert phund phening dem erbern Wolfgangen Ortér, Affren seiner hausfraun und írn baiden erben. Und sind ze dienn zu drein tégen und wider abczekauffen miteinander und den nagsten dinst damit, nach laut ains púrkrechtbriefs, den sy darumb habent. Actum an Sambstag nach sand Jörgen tag, anno domini etc. liiiio.

Summa vi s. xx. d.

Nota Sig(mund) Pirpawmer hat die ic tl d. auf seinem halben hawss bey dem Rotenturn.

Nota wann der egenant Ortér und sein hausfrau etwas mit dem purkrecht handln wellen, so sullen die herren den egenanten irn purkrechtbrief für sich vodern und den aigentlichen ansehen etc.