Hanns Wienner und Elspeth sein hausfrau habent versaczt ir haus, gelegen undern Satlern ob den Langen Túchlauben, zenagst Andres Hofmaister des kürsner haus. Hannsen, Fridreichs Prantsteter des puchveler seligen sún, der noch nicht vogtper ist, umb c und xii tl. d. landeswerung in Österreich, die im von des egenanten seins vaters seligen geschéfts wegen zúgepürnt und sind zu beczaln, wann derselb Hanns vogtper wirdet, darnach an alles vercziehen. Aber alle dieweil er nicht vogtper ist, so súllen si den egenanten Hannsen innhaben mit dem gelt und in ziehen, gewénten und mit kósst versorgen, als aim sólhen kind zugepürt, und auch alle steur davon ausrichten, an abslag des egenanten seins gúts ungeverlich. Ging aber derselb Hánns ungevogt ab, so sullen dann die egenant sum phening dahin erben und gevallen, nach laut des egenanten Prantstetter seligen geschéfft. Actum an Montag post Viti anno etc. liiiio.

Summa vii s. xiiii d.

Testamentarii habent cedulam.