Hainreich Smawss hat versaczt sein halbs haws, das er von Hannsen Gruntreich kaufft hat, gelegen an der prantstat gegen Sand Steffans Freithoftor über, ausgenomen die wechslpankch, so der Gibing yecz innhat. Seinen kindern Wolfgangen, Margrethen, Barbaren und Annen, die er pey seiner hausfraun Ursulen, Hannsen Rendleins tochtter, die Hainreichs Nadler rechtts enenkchl gewesen ist, der got gnad gehabt hat, und noch nicht vogtper sind, und irn erben. Umb anderthalbhundert pfund pfening, die fraun Magdalen, Petern Waiczen des kursner hausfraun von dem egnanten Hainrichen Nadler, irm ersten mann morgengab gewesen und mit irm abgang den egenanten kindern erblichen angevallen sind, als desselben Nadler úrenenkl und nagst erben. Und sind zu beczalen, wenn dieselben kinder vogtper werdent oder, ob si ungevogte abgingen, irn erben, den si dann rechtlich zugeburnt an alles vercziehen, ut littera sonat. Actum an Freitag vor unsers Fraun tag, als sy geporn ist, anno domini etc. liiiito.

Summa x s. d.

Nota die egenanten i ½ c tl. d. hat Hainreich Smawzz zu dez púch gelegt den egenanten kindern an Montag vor sant Jorgen tag, anno domini etc. lvito.