Hanns Luchs hat versaczt sein haws, gelegen in der Kernerstrass am egk, gegen Sant Johanns über, das weilent zway hewser gewesen sind, zenagst der Heiligengeister haws, dem erbern Kilian, maister Hainrichs Wachtler des stainmeczen seligen sun und seinen erben. Umb funfczig pfunt Wienner pfening, die herkómen sind von aim weingarten zu Pfaffsteten am Plahenpühl, genant der Haidenreichstainer, zenagst Petern Heintaler weingarten gelegen, den frau Margreth, des egnanten Luchsen hausfrau, des vorgnanten Kilians swester mit wissen und willen desselben Kilians gerhaben verchaufft hat. Und sind zu beczalen, wan derselb Kilian vogtper wirdet oder, ob er ungevogter abging, darnach seinen erben, den si rechtlich zugebürn an alles vercziehen. Actum an Mittichen vor sant Mertten tag, anno domini etc. liiiito.

Summa iii s. x d.

Luchs habet cedulam.

Nota der sacz ist Petern junkhman ubergeben und hat den ledig gesagt und die ubergab zum puch erlegt. Actum feria sexta ante Petri et Pauli Apostolorum, anno etc. lxximo.