Hanns Kewsch hat versaczt die ubertewrung seins hawss und zuhawss, aneinander gelegen am alten Fleischmarkt am egk, zenagst dem gesslein, als man zu Köllner hof get, an aim tail und an dem andern zenagst Otten des Meczner haws. Uber die hundert pfund pfening, die sein erere hausfrau Agnes die Agnes die Lemppershaimerin selige zu hilff der messe auf Sand Florians altar hincz Sant Steffan zu Wienn.

Hanns Kéwsch hat versaczt sein haws und zuhaws, aneinander gelegen am alten Fleischmarkt am egk, zenagst dem gésslein, als man zu Kollner hof get, an aim tail und an dem andern zenagst Otten des Meczner haws. Dem erbern briester, hern Petern Oppenweiler, caplan der ewigen messe, die Conrat Lempershaimer auf Sand Florians altar gestifft hat, und seinen nachkomen umb hundert pfunt pfening, die frau Agnes, weilent des egnanten Kéuschen hausfrau selige zuhilff der egnanten messe geschafft hat. Also das die der obgenant Keusch sein lebtteg innhaben nuczen und niessen und alle jar funf pfund phening davon zu der egnanten messe dienn sol, nach lautt irs geschefftbriefs, der in dem statpuch geschriben stet. Und sind emalen gelegen gewesen auf seim haws vor Schotentor. Actum an Freitag sand Mathens abent Apostoli et Ewangeliste, anno etc. liiiito.

Summa nulla propter summam priorem.

Dominus Johannes habet cedulam.