Hanns Aichinger, messrer, und Barbara sein hausfrau habent versaczt ir haws, gelegen hinder Sant Pangreczen zenagst Angerfelder des messrer haws an aim tail, und irn stadl, gelegen im Reczengraben daselbs zenagst Pauln des Hofer haus und stosset auch an des von Walsse haws. Dem erbern weisen Steffan Awer, dieczeit des rats und seinen erben oder, wem er die schafft, macht oder geit, umb zwaihundert pfunt pfening. Und sind zu beczalen in zehen jarn nagstnacheinander künfftig, jerlich an sant Michels tag und an sant Jorgen tag, zu yedem benanten tag zehen pfund pfening, solang uncz das sy der egenanten sum pfening gancz beczalt sein. Welhen tag si aber nicht hielten, so sullen die andern teg all ab sein und sullen si sew dann der egenanten sum pfening, was in der dennoch unbeczalt ausstünde, gancz entrichten an alles vercziehen, ut littera. Actum an Montag nach des heiligen Kreuczs tag Inventionis, anno domini etc. lvto.

Summa xiii s., x. d.