Eintrag vom 1455-06-30Informationen zum Dokument

Hanns Keúsch hat versaczt die uberteurung seins hauss und zuehauss, aneinander am alten Fleischmarkcht am egk, zenagst dem gesslein, als man zu Kollner hof get an aim tail. Uber die hundert pfund pfening, die hern Petern Oppenweiler, caplan der ewigen mess, die Conrat Lempérshaimer auf Sand Florians altar gestifft hat, vor darauf verschriben sein, nach lautt des gruntpuchs. Und uber die zwayhundert pfund pfening haimsteur und morgengab, die er seiner hausfraun Kathrein, der got gnad, nachmalen darauf verpfentt hat, nach lautt ains heiratbriefs. Und uber die sechshundert pfunt pfening, die Hainrichen Kornmessen darnach darauf verschriben sein nach lautt des gruntpuchs. Demselben Hainrichen dem Kornmessen, burger zu der Newnstat und seinen erben umb anderthalbhundert pfunt pfening und sind zu beczalen, wan sy die vordernt und nicht lenger peiten wellent, darnach inner der nagsten jarsfrist anvercziehen. Actum an Montag post Petri et Pauli, anno etc. lvto.

Summa x s. d.

Habet cedulam.

Nota umb die zwen sacz hat Hainrich Kormess dem Larencz Stadler ain ubergabbrief geben, der zu dem puch erlegt ist. Actum an Mitichen vor Jori lxmo.