Eintrag vom 1455-10-13Informationen zum Dokument

Hainreich Géwkramer, burger zu Wienn hat versaczt sein haus mit aller seiner zúgehorung, gelegen am Kienmarkt im Winkchl zenagst Niclasen des Néczeuger haws an aim tail. Dem ersamen geistlichen bruder, Hannsen von Nurnberg, dieczeit prior des gotshauss Unser Fraun pruder ordens von dem perg Carmelo, gelegen an des herczogen hof zu Wienn, dem convent gemain daselbs und allen irn nachkomen umb virhundert pfund pfening der swarczen munss, die in dem land zu Osterreich gib und geb sein. Und sind zu beczalen von hewtigem tag uber drew jar, das ist auf sand Colmans tag im virczehenhundertisten und achtundfunfczigisten jar nagstkünfftigen anvercziehen. Und sullen in auch die benanten drew jar alle jar davon raihen und dienn virczig pfund pfening, zu den vir quatemern im jar, zu yeder quatemer zehen pfund pfening. Und sullen auch mit dem ersten dinst anheben zu der quatemer nagstkunftig an alles vercziehen und an abslag des egnanten haubtguts, nach lautt ains saczbriefs. Actum an sand Colmans tag, anno domini etc. lvto.

Summa iii tl. lxxx d.

Nota uber die egenanten iiiic tl. d. habent die Weissenbruder daz haus erlangt und verkaufft Larenczen Restfeuchter und hausfrawn umb vii ½ c tl. d, nach laut der gricht und urlaubbrief, die zu dem puch erlegt sind. Und die ubermass gelt ist auch von denselben kauffern zu dem puch gelegt. Actum an Montag vor Margrete, anno etc. lviiiio.