Hainreich Wúrm der pekch hat versaczt sein haws, gelegen vor Kernertor zu Wienn zenagst dem gotzakcher an ainem tail, also davon man jerlich dint in der burger spital daselbs zehen phening zu purkchrecht und nicht mer. Den erbern Symon Lémpl, Wilhalm von Freysing und Niclasen Behem, baid pekchen, an stat und als gerhaben junkchfrawen Margreten, Erharts des Smidpekchen seligen tochter, die noch nicht vogtper ist, und irn erben umb funfundfünfczigk phunt phening. Der fünfundzwainczigk phunt von dem egenanten Smidpekchen irm vater und dreissigk phunt phening von Petern Hofpinter, irs een haws, das yecz Héderler Pinter yecz innhat, herkomen sein. Und sind zu beczalen, wenn sy die vordern und nicht lenger peiten wellen, darnach ynner den nagsten vir wochen an vercziehen. Es sol auch der egenant Wúrm die vorgenant Margreten innhaben, mit kost und gewant versorgen nach notdúrfften an abslag irs guts ungeverlich, ut littera sonat. Actum an Mittichen sand Tiburcien und sand Valerians tag, anno domini etc. lvio.

Summa lx d., altera pars vacat propter summam priorem.