Hanns Molss der pekch und Barbara sein hausfrau, Jacoben Gotsnam seligen tochter habent versaczt ir haws, gelegen in der Kernerstrass am egk, als man in die Weihenpurkh get, genant die Almarein, zenagst des von Sunberg haus. Den erbern Thoman, Helen und Elspethen, auch des egnanten Gotsnam seligen kindern, die noch nicht vogtper sind, umb anderthalbhundert pfund pfening.

Hanns Molss der pekch und Barbara sein hausfrau, Jacobs Goczman seligen tochter habent versaczt ir haus, gelegen in der Kernerstrass am egk, als man in die Weihenpurkch get, genant die Almarein, zenagst des von Sunberg haws. Den erbern Thoman, Helen und Elspethen, auch des egnanten Gotznam seligen kindern, die noch nicht vogtper sind, umb hundert newnundfunfczig pfund und newnundsibenczig pfening. Und wan der benanten kinder ains vogtper wirt, so sullen sy im dann seinen tail der egnanten sum pfening ausrichten und beczaln, an alles vercziehen wan aber derselben kinder ains ungevogt abget, so sol dann desselben tail gelts gevallen und gegeben werden nach innhaldung des egnanten Jacobs Gotznam seligen gescheffts, das im statpuch geschriben stet. Actum an Freitag vor sand Veits tag, anno domini etc. lvito.

Summa x s. xviii d.

Nota der obgenant Thoman hat ain gwaltbrief zú dem puch geschikht, der dabei ist erlegt, dem sacz auszetun, und die sein swestern Elspet und Elen sind selbs pfändlich da gewesen. Actum an Montag post Oculi anno etc. lxiiii.