Eintrag vom 1456-06-09Informationen zum Dokument

Hanns von Gera und Kunigund sein hausfrau habend versaczt ir gross haus, vorders und hinders, mitsambt dem metrecht und den drein fleischpenkhen in demselben haus und den stal, da man von dem hof ein get under dem haus. Das etwenn Hannsen von Graben gewesen und yecz auch ir ist, gelegen am Liechtensteg am egk gegen des Angerfelder haws über, zenagst dem andern irm zuhaus, das des brobsts grunt ist. Da man von dem egnanten haus alle jar dint hintz dem Heiligenkreucz zwen emer met zu Weichnachten zu selgret, darczu sullen sy und alle die dasselb ir gross haus, vorders und hinders innhabend und besiczent, ewiclich alle tag téglich davon geben zwen pfening, umb prot armen leuten, das man under sew tailln sol. Und alle Freitag zway arme mensch zuhaus haben und nach dem mal yedem menschen ain pfening geben zu selgrét und nicht mer. Und ist auch dasselb selgrét abczukauffen und abczulosen, wenn man das getún mag oder wil, nach der statrechten hie zu Wienn. Sy habent auch versaczt ir haws, das ettwenn des egnanten Hannsen vom Graben ist gewesen, mit seiner zugehorung, auch gelegen am Liechtenstég, zenagst Mertten des Leutleins zuhew`sl an aim tail und an dem andern zenagst irm zuhaus. Das des brobsts grunt ist, da man von ainer kram in demselben haus, zenagst dem yeczgenanten zuhaus gelegen, alle jar dint zu der ewigen messe, die maister Hanns Sachs der maler auf dem Karnner dacz Sand Steffan zu Wienn gestifft hat, vir pfund Wienner pfening, nach der brief sag, so die schreiberczech daselbs darumb hat, und nicht mer. Dem ersamen und den erbern maister Thoman von Wulderstorf, Hannsen Gris und Hainrichen Schiesser dem zingiesser, dieczeit ausrichtern und volfurn des gescheffts, das Jorg Obrecht an sein lesten zeiten getan hat, und irn nachkomen geschefftleuten desselben geschéffts. Umb sibenczehenhundert pfund pfening der swarczen münss und sind zu beczaln auf sand Petronelln tag nagstkunftigen anvercziehen, ut littera sonat. Actum an Mitichen vor sand Veits tag anno etc. lvito.

Summa xiiii tl. xl. d.

Den sacz habent die geschefftleut ledig gesagt feria sexta post Pauli Conversionis, ano domini etc. lviiiio.