Hanns Herolt der messrer hat versaczt sein haus, gelegen zenagst dem Hünrrgesslein gegen dem Taschenhaus uber, dem erbern Hannsen, Petern Swarcz des schuster seligen sun, seinem swager und seinen erben. Umb hundertvirundfunfczig phunt, funf schilling und achczehen pfening, die er im an aller raittung ist schuldig worden, drew pett mit irn zugehorungen, funf kúss, drey haubtpolster mit ziehen und zwen ledrein polster. Und sind zu beczalen, wan sy die vordernt und nicht lenger peiten wellent, darnach ynner den nagsten vir wochen an alles vercziehen, nach lautt ains geltbriefs. Und ist auch derselb geltbrief und der sacz núr ain gelt schuld. Actum an Montag sand Pertlmes abend anno domini etc. lvito.

Summa x s. viii d.

WSTLA_Grundbuch_Stadt_Wien_B1_34_SatzbuchCD_0370.jpg

Richard