Hanns Hirss hat versaczt sein haws mit seiner zugehorung, gelegen am Newnmarkt zenagst weilent der stat meczengadem, seinen kindern Kathrein, Wolfgangen, Hannsen, Larenczen und Micheln, so er pey seiner erern hausfraun Helen, auch ettwan Niclasen des Tirmans seligen hausfraun hat gehabt, und irn erben. Umb zwaihundert sechsundvirczig pfunt pfening, die sy von Jorgen, des benanten Tirmans seligen sun, irm pruder muterhalben geerbt habent, und sind zu beczalen, wenn sy vogtper werdent oder ob sy ungevogte abgingen, irn nagsten erben ynner dem nagsten halben jar an alles vercziehen. Doch also ob in rechten tegen icht nehender oder also nahent erben herfur kemen, die sullen des an irn rechten unentgolten beleiben, Ac ut littera sonat. Actum an Montag nach sand Mathias tag Apostoli, anno domini etc. lvii.

Summa ii tl. d.

Nota den benanten sacz auf Wolfgangen, Hannsen und Larenczen lauttnnd habend Paul Degkhér und Kathrey sein hausfraw, ir swester und swager umb ic lxxxiiii tl. und viii s. d. auf sich und das benant hawss genomen, nach lautt ains geltbriefs, der in dem ratturn erlegt ist.