Eintrag vom 1460-02-08Informationen zum Dokument

Hanns Warnhover hat versaczt sein haus, gelegen am Hof zu Wienn mit seiner zugehorung, zenagst der Weissenpruder freithof an aim tail und an dem andern zenagst Hainreichs von Essling des pekchen haus. Davon man jerlich dint der vorgenanten stat zu Wienn ain phunt phening zu gruntdinst und dem kaplan der ewigen mess, die her Kristan Rewtter von Rotenburg auf der Heiligen Dreir Kunig altar dacz der Himelporten hie zu Wienn gestifft hat, zwainczig phunt Wienner phening zu purkrecht, die abczulosen sind mit zwainhundert phunt Wienner phening, nach lautt ains purkrechtbriefs. Und den kaplén der ewigen mess, die Michel Umkch dacz Sand Steffan zu Wienn gestifft hat, newn phunt und sechs schilling phening geltes purkrechts, die abczulosen sind mit achtundsibenczig phunt Wienner pheningen, nach lautt ains purkrechtbriefs und nicht mer. Dem erbern weisen Hannsen Malchinger, burger zu Wienn und seinen erben umb hundert phunt phening guter landeswerung in Osterreich. Und sind zu beczalen auf unser Frawn tag der Liechtmess nagstkunftigen an alles vercziehen, ut littera sonat. Actum an Freitag vor sand Scolastica tag, anno domini etc. lxmo.

Summa vi s. xx. d.

WSTLA_Grundbuch_Stadt_Wien_B1_34_SatzbuchCD_0382.jpg