Eintrag vom 1460-03-26Informationen zum Dokument

Hanns Kellner hat verkaufft aindlef phunt und sechs schilling phening landeswerung gelts purkrechtz auf seinem haws, gelegen in der Ratstrass, zenagst des von Pettaw haws an ainem tail und an dem andern zenagst des von Liechtenstain haws. Umb virundnewnczig phunt phening und sind emaln gelegen gewesen auf Wolfgangen Öttinger padstuben zu den Schewkchen, der newnthalb phunt gelts zu Niklasen des Gelwaicz jartag und zway phunt gelts zu Otten des Futrer jartag und zehen schilling gelts zu Josten Goltsmids jartag gehornt. Dem erbern weisen Jacoben Gsmechel, dieczeit des rats und kirchmaister zu Sand Michel und seinen nachkomen und sind zu dienn zu drein tegen und wider abczukauffen und d miteinander und den nagsten dinst damit, ut littera sonat. Actum an Mitichen nach unser Frawn tag der Kundung, anno domini etc. lxo.

Summa vi s. xvi. d. viii d.