Eintrag vom 1461-05-22Informationen zum Dokument

Hanns Warnhover hat versaczt die ubertewrung seins hawss, gelegen am Hof zu Wienn mit seiner zugehorung, zenagst der Weissenpruder freithof an ainem tail. Davon man jerlich dint der stat zu Wienn ain phunt Wiener phening an sand Michels tag zu gruntdinst und dem caplan der mess, so her Kristan Rewter dacz der Himelporten gestifft hat, xx tl. d. zu purkrecht, die abczulosen sind mit cc tl. d. nach lautt ains purkrechtbriefs, und den kaplenen der messen, die Michel Umkch dacz Sand Steffan zu Wienn gestifft hat, ix tl. und vi s. d., auch zu purkrecht, die abczulosen sind mit lxxviii tl. d. nach lautt ains purkrechtbriefs und nicht mer. Und uber die c tl. d., so Hannsen Malchinger darauf in saczesweis verschriben sind, nach lautt ains geltbriefs, umb c guter Ungrischer guldein, gerecht in gold und wag oder aber fur yeden benanten guldein, so vil Wienner phening, als dann der guldein zu denselben zeiten gängk hat. Und sind zu beczalen auf sand Mertten tag nagstkunftigen an vercziehen ungeverlich. Actum an Freitag vor dem heiligen Phingsttag, anno domini etc. lxio.

Summa vi s. xx d.