Eintrag vom 1462-06-01Informationen zum Dokument

Her Hanns von Rorbach, unnsers allergnedigistn herrn des Römischen kaisers rat und diener hat versaczt sein haws, gelegen vor Widmertor zúnagst Weinreichs von Reichenpach des sneider seligen kinder hawss an ainem tail. Den erbern weisen Wolfgangen Holnprunner und Hannsen Golden, burgern ze Wienn und iren erben umb drewhundert und sechsundfünfczigk Ungrisch guldein, gerecht in gold und wag, und zwelf Wienner pfenning. Und sind zú beczalen auf sand Bertlmees tag schirstkünftig, ut littera sonat. Actum an Erihtag nach sand Petronellen tag, anno etc. lxiio.

Summa nulla propter officium.

Nota umb das obgenant hawss stet nutz und gewer geschriben die edel fraw Scolastica, des obgenanten hern Hannsen von Rorbach hausfrau. Und die sol hern Hannsen desselben hawss nutz und gewer bringen oder ain wilbrief zum púch schikhen, damit der sacz bei krefften beleib. Und darumb sind purgen die ersamen weisen, her Niclas Téschler, münssenmaister und her Larenntz Stadler, baid dieczeit des rats ze Wienn. Eodem die ex iussu consily.