Eintrag vom 1462-09-15Informationen zum Dokument

Hanns Mornhaymer, burger ze Wienn hat versaczt sein hawss, gelegen am Kyenmarkt, zenagst Hannsen Veyal des fleischakher an aim tail und an dem anndern zenagst Steffan Kerner des kursner seligen hawss. Dem erbern priester hern Michaeln Grashofer, capplan der mess, die her¹ Lienhart Schawr, ettwenn official auf Sand Lienharts altar in Unser Frawen cappellen gestift hat, umb hundert pfunt pfenning, die zú der obgemelten mess gehörnt. Und sind zu beczalen auf sand Mertten tag schirstkünftig. Actum an Mitichen nach Exaltacionis Sancte Crucis, anno etc. lxiio.

Summa vi s. xx d.

Nota das obgemelt gelt c tl. d. sullen nicht hinaus geben noch der sacz abtan werden. Es werde dann vor der purkrechtbrief lauttend umb dieselben c tl. d. auf Allexen des Tew´ffel hawss, das yetz Peter Gehinger der slosser innhat, vernicht und zersniten etc.