Hanns Renharts, burger zu Wienn, Niclasen Renhartz seligen sun hat versaczt die ubertewrung seins hawss, gelegen im Schuelhof, zenagst ettwenn des Gusner haws, das yecz Michel Phuntimaschen innhat, an aim tail und an dem andern zenagst Hermans Mülstain haws, uber die zwayhundert phunt phening, darumb es vormaln Niclasen Tèschler und Fridreichen Gesmechel, burgern zu Wienn, Andren des Kelhaimer seligen geschefftlewten und irn nachkomen geschefftlewten, zu hannden desselben geschefts verschriben gewesen ist. Dem ersamen maister Ulreichen Griessenpekchen, licenciaten geistlicher rechten und Annen seiner hausfrawn und irn erben umb hundert und achtundfunfczig phunt Wienner phening, die si im und Affren seiner hausfrawn, der benanten Annen múter mit recht an erlangt haben, nach lautt ains gerichtsbrief darumb ausgangen. Und sind zu beczalln wann si di vordern und nicht lennger peyten wellen an alles vertziehen ungeverlich. Actum an Freytag vor sand Ulreichs tag, anno domini etc. lxiiio.

Nota das obgenant haws hat der vorgenant maister Ulriecch Griessenpekch und Anna sein hausfrau mit kauff in ir gewalt pracht umb ccc tl. Wiener d., der si zwaihundert phunt phening auf sich von des sacz wegen, des Kelhaimer kinder geschefftlewten genommen haben und hundert phunt phening von des abgeschriben sacz wegen, daran in noch ausstet, sybenundfunfczig phunt und vir schilling phening von Hannsen Renhartz, burger zu Wienn. Actum an Mitichen nach Lucie anno etc. lxiiio.