Hanns Kosmer der vilczhúter, mitburger ze Wienn und Elspet sein hausfrau habend versaczt ir haws, gelegen hinder Sand Pangreczen, zenagst Steffans Weikersdorffer hawss an ainem tail. Der erbern Margreten,1 Micheln Korner hausfrauen, die emalen Sténczel Pawngartner, vilczhúter seligen auch eelichen gehabt hat, an stat und ze hannden Barbaren, irer tochter, die sy bei dem egemelten Sténczel eelichen gehabt hat, die noch nicht vogtper ist, und iren erben, umb fünfczigk gúter Ungrischer gulden, gerecht in gold und wag, die derselben Barbaren zú irm tail zúgepürnt von dem obgenanten hawss, daz des egemelten irs vater und der benanten Margreten irer múter gewesen ist und das dieselb Margret verkauft hat. Und sind die egemelten gulden zú beczalen, wann die egenant Barbara vorgtper wirdet oder, ob sy ungevogt abging, alsdann iren nagsten erben, den sy rechtlich zúgepürnt anvercziehen ungeverlich. Actum an Freitag nach sand Jacobs tag im snyt, anno etc. lxiiio.
Summa iii s. x d.
Prior zu den Augustinern habet cedulam.