Hanns Kellner hat versaczt sein haws, gelegen in der Radstrass, zenagst des von Pettaw haws an aim tail und an dem andern zenagst des von Liechtenstain haws. Dem erbern weisen Kristoffen Öczestorffer, burger zu Wienn und seinen erben umb sechsunddreissig phunt phening. Und sind zu beczallen von unnser Frawn tag der Liechtmess nachstkunftigen, uber zway jar negstnacheinander voligund anvertziehen und an allen irn schaden ungeverlich. Actum an Mitichen vor unser lieben Frawn tag der Liechtmess, anno domini etc. lxvto.

Summa nulla propter officium.

Habet cedulam.