Hanns Phuntinaschen, Conraten Phuntinaschen weilent burger zu Wienn, seligen sun, hat versaczt die úbertewrung seins hawss gelegen undern Satlern, gegen dem prúnn úber, an ain tail, und mit dem andern tail in der Spénglergassen, und ist vormalen in zwen tail getailt gewesen, úber die vi tl. und lx d. gelts purkhrechts, darumb es vormalen herrn Hannsen Oppenweyler, cappelan der mess, so der Huetstokh auf Sand Kathrein altar zu Sand Stephan hie gestifft hat und úber die iii tl. d. gelts purkrechts, darumb es emalen herrn Hannsen Heinisch von Kronstat capplan der mess so die von Eslorn auf Unser frawen altar hie zu Sand Peter gestifft habend und iren nachkommen der obgenanten mess, auch über die iic und i ½ Ungrische guldein, darumb es vormalen Ruprechten Rein burger zu Wienn und seine erben versaczt und verschriben ist. Dem erbern Wennczlaben Schenkh burger zu Nürnberg, und seinen erben, umb hundert Ungrisch guldein gerecht in gold und wag, und sind zubezalen lxiiii guldein, auf den Suntag Invocavit, und die ubring xxxvi guldein, auf die phingsten baid frist nagst nacheinander kunfftig, an alles verziehen getrewlich und ungeverlich. Actum an Sambstag vor sand Valtin tag Anno etc. lxviimo.

Summa 1 tl. x d.