Hanns Hintperger, der stainmetz, und Dorothe sein hausfraw, habend verkaufft vier phunt phenning gelts purkrechts auf irem hawss gelegen an ainen tail zenagst des Weissenprüder freithoff, und am andern, zenagst Jorgen Holtprants hawss. Umb zwayunddreissigk phunt phenning, dem erbern priester herrn Merten Paltinger capplan Sand Kathrein altar in sand Michels kirchen in der abseytten den herr Wernhart Schenkh vorstmaisetr in Österreich gestifft hat und seinen nachkomen, der obgenanten mess, und sind zu dienen zu drein tegen im iar und widerumb abzekauffen mit zwayunddreissigkh phunt phenning und den nagst dinst damit ut littera sonat. Actum an Freitag nach der heiligen dreyer kúnig tag, anno domini etc. lxviimo.

Summa lxiiii d.