Eintrag vom 1468-01-29Informationen zum Dokument

Hanns Méwrl hat versaczt verkaufft vi tl. und lx d. gelts purkrechts auf¹ der übertewrung seins hawss gelegen am Allten Kolmarkt, genant der Fúchslein hawss gegen sand Michel uber zenagst weilent Andres Meichsner des goltsmids hawss uber die hundert und virczigk phunt phenning darumb es vormalen dem capplan der mess, so Gregor Swelher und Marg(reth) sein hausf(raw) in des Innczinger cappellen zu der Hýmlporten hie gestifft habend, verphennd ist, dem erbern priester herrn Hannsen Oppenweyler von Hailbrunn capplan der mess, die weilent Hainreich Huetstokh auf Sand Kathrein altar hincz Sand Stephan hie gestifft hat, und seinen nachkomen capplen derselben mess. Umb fúnffczig phunt phenning, und sind zu dienn zu drein tégen im iare, und widerumb abzekauffen miteinander mit fúnffczig phunt phenning, und den nagsten dinst damit, ut littera sonat. Actum an Freitag vor Unser lieben frawen tag der Liechtmessen, Anno etc. lxviiivo.

Summa nulla propter servicium.