Hanns Raikendorffer hat versaczt die ubertewrung seins hawss mit all seiner zugehörung, gelegen am Allten Fleischmarkht zenagst Petern von Asslabnig kinder hawss an ainn tail und an dem andern zenagst Fridreichs Múllner seligen hawss uber die virczigkh Ungrische guldein, darumb es vormalen Conraten Muller hawss und sein erben versaczt ist dem edlen E vesten ritter herrn Hannsen Ernst unsers genedigisten herren des kunigs zu Hungern schaczmaisetr und sein erben, umb hundert und sechtzig guldein Ungrisch gerecht in gold und wag, und sind zubezalen auf san Kathrein tag nagstkúnfftigen an alles verziehen, getrewlich und ungeverlich. Actum an Eritag nach nach dem Suntag Oculi in der vassten, anno domini etc. lxviiio.

Summa xiii s. x d.

Michel Schónnknecht habet cedulam.

Nota der obgenant Hanns Krustt hat die ic und lx guldein Micheln Schonknecht geben, nach lautt ains briefs der zum gruntpuch erlegt ist. Zusambt ainn schermbrief von demselben Schonnknecht und seiner hausfraw Margrethe ausgangen, darauf denn der sacz ausgetan und die gruntzedeln vernicht ist.