Hanns Zwetler haffner und Elspeth sein hausfraw habend versaczt ir hawss gelegen vor Widmertor zenagst Thomas Liechtkamrer hawss, dem erbern Michaelen Orttenberger und Elspethen seiner hausfrawen und iren baiden erben, umb xiiii tl. d., die sy in von des obgenanten hawss wegen schuldig sein, und sind zubezalen, auf sand Mertten tag nagstkúnnfftigen an alles verziehen getrewlich und ungeverlich. Actum an Freitag nach sand Margrethen tag, anno domini etc. lxviiivo.

Summa xxviii d.

Nota den sacz haben der egenant Michel Ortenberger und Elspet sein hausfraw ledig gesagt an Freitag in die Blasi, anno etc. lxviiii.