Hanns Pluemenrot messrer und Anna sein hausfraw habend verkaufft vier phunt und vier schilling phenning gelts purkrechts auf irem hawss gelegen hinder Sannd Pangrétzen zenagst Jobsten Pergawer haws, umb vierundvirczig phunt phenning der zwayunddreissigkh phunt vormalen auf dem obgenant hawss, und zweliff phunt phenning auf Casparen Ingkofer und Kathrein seiner hausfraw zwain virtailen weingarten im Goczessorg zenagst des pharrer von Raptz weingarten, gelegen gewesen sein, dem erbern priester herrn Pertlmen Zech, verweser der mess, so Jorg am Kienmarkt auf Sand Veits altar in Sand Stephans kirchen gestifft hat und seinen nachkomen und sind zu dienn zu drein tégen im jare und widerumb abzekauffen miteinander mit den obgenant xliiii tl. d. und dem nagsten dinst damit ut littera. Actum an Freitag nach sand Lucein tag, anno domini etc. lxviiiino.

Summa lxxxviii d.