Hanns Sweigkhartt Zinngiesser und Dorothe sein hausfraw habent versaczt ir halbs hawss ganntzes gelegen am Graben zenagst Thanis Gerharts des Sibenburger hawss, des gegentail Veit Schrikher innhat. Und ist der ersst tail des bemlten haws mit allen den geméchen und gemain stukhen, die nach lautt der tailbrief dartzu gehóren der erbern frawen Helen, Stephans Awer weilent burger zu Wienn seligen witib und iren erben, umb zway hundert und sechtzig ungrisch guldein gerecht in gold und wag und sind zubezalen von datum des saczs uber ain ganntzs jare nagstkunfftigen an alles vertziehen getrewlich und ungeverlich, Actum an Mitichen var sand Andreas tag Anno domini etc. lxxmo.

Summa ii tl. iiii s. d.

Habet cedulam.