Hanns Aiching messrer und Barbara sein hausfraw habent versaczt ir hawss gelegen hinder Sand Pangrétzen am egkh des gesslein, als man in die padstuben get, zenagst Hannsen Ranntt des Spárer hawss. Dem erbern Wolfgangen Orter und seinen erben. Umb hundert phunt phening, in der maynung, das die nach desselben Orter tod und abgangkh auf seine kinder, die er bey seiner hausfrawen Affren seligen elichen gehabt hat lediclich gevallen sullen. Gingen aber dieselben kinder nach im auch ungevogt ab, oder ob sy ungevogt vogtper wurden und die bemlten hundert phunt phenning unverschafft unvermacht und unverkumert hinder in liessen, so sullen sy dan erben und gevallen auf derselben kanlewt baider nagst erben, darauf sy zu recht erben und gevallen sullen. Wér aber, das die bemelten kinder vor dem obgenanten irm vater mit tod abgiengen, so sol er dann die egenanten hundert phenning gleich halb lediclich haben und den andern halben tail desselben gelts sol er darzu sein lebtég uverkumert innhaben nuczen und nyessen als leybgedings recht ist, und nach seinen tod sol der erben und gevallen auf der egenanten Affren seiner hausfrawen negster erben, darauf das zu recht erben und gevallen sol. Und sind zubezalen von den Weichnachten uber ain ganncz jare nagstkunfftigen an alles vertziehen getrewlich und ungeverlich ut littera sonat. Actum an Montag vor Thome appostoli, anno domini etc. lxxmo.

Summa vi s. xx d.

Nota die obgenant c tl. d. seinn erblich gefallen und chómen auf junkfraw Barbaren Otterin conventswestern zu sand Marien Magdalen hie und Magdalen Hannsen Orthaber Reitter hawsfraw irer swestern Wolfgang Ortter und Affren seiner hausfrawen kinder innhalt ir liewesten frewntsch(afft) und die bemelt Magdalen hat irer gerechtik dem Orthaber irem manne gesch(affft) ut testam(entum) in libro civitatis. Und den sacz haben aus Zeching bevollen priorin und convent zu Sannd Marien Magdalen. Und der egeannt Orthaber. Actum feria sexta post Lauri und der brief in dem sacz angezogen, ist vernicht.