Eintrag vom 1471-02-22Informationen zum Dokument

Hanns Grublokh gesessen vor Kernertor mitburger zu Wienn und Diemut sein hausfraw habent versaczt ir haws daselbs vor Kernertor, auf der mietstat gelegen zenagst Kunraten Trandler des oler hawss an ainn tail. Dem erbern Cristann Panymair dem pinter seine mitgespan baid frawen Kunigunden, Stephans von Krud seligen witib geschéfftlewt, an stat und zuhanden junkhfrawen Kristein, Andres Hawtzenperger seligen tochter, die noch ungevogt ist. Umb sechtzehen phunt Wienner phenning, die ir die bemelten geschéfftlewt, als ain(en) arm(en) frewnds des vorgenanten Stephans von Krud seligen geben haben. Und herkomen von ains haws wegen gelegen vor <vor> Kernertor, das desselben Stephans und der egenanten seiner hausfrawen Kunigunnden gewesen und durch die bemelten geschefftlewt verkaufft ist. Und sind zubezalen, wann die vorgenant junkhfrawen Kristein vogtper wirdet. Gieng sy aber ungevogt ab, so sol die berúrt summa phenning durch gotzwillen geben werden, an alles verziehen, nach lautt der egenant Kunigunden seligen geschéfft, daz im statpuch hie geschriben stet. Actum an Freitag var sand Mathias tag, anno domini etc. lxximo.

Summa xxxii d.