Eintrag vom 1471-08-14Informationen zum Dokument

Hanns Fuchsperger goltsmid und Juliana sein hausfraw habent versaczt ir haws gelegen im Schiltergesslein zenagst Hannsen Praitter haws an aim tail dem erbern Casparn Smelcz irm pruder und swager der ausser lannds ist und seinen erben umb funfczig Ungrisch guldein gerecht in gold und wag, die herkomen von aim virtail des egenanten hawss, das dem vorgenanten Casparn gegen der obgenanten Juliana seiner swester und andern seinen geswistern von Hannsen Smelcz seins vater wegen erblich zugepúrt hat und umb funf phunt phenning, die im von frawn Margreten seiner muter geschefts wegen gevalln sein. Und sind zu betzallen wann der obgenant Caspar zu lannd kumbt, oder mit tod abgangen wer oder in rechten taégen nicht köm¹, darnach seinen nagsten erben an alles vertziehen. Actum an Mitichen Unnser lieben frawen abent der schidung, anno domini etc. lxximo.

Summa iiii s. x d.

Nota dise 50 Ungrisch guldein sein durch burgermaister und rate alhie auf 50 tl. d. gemässigt, vermög des ratslags auf Hannsen Jordan supplic(am) verzaichend und zum puech erlegt und verrer durch genant Jordan verobligiert. Actum Freitag 18. die Junii Anno etc. 40.