Eintrag vom 1439-12-14Informationen zum Dokument

Jacob Schrikcher hat versaczt sein haus, dacz er von Micheln von Friesach dem munsser gechaufft hat, gelegen vor Stubentor auf dem graben zenagst Andres des Smids haws. Dem erbern Niclasen Wagner am Newnmarkht und seinen erben, umb xlviii tl. d. und sullen derselb Jacob Schrikcher und seinen erben den benanten Wagner davon raihen und dienen alle jar vi tl. d. als purkrechtz recht ist. Doch in solher maynung ist daz junkfraw Kathrey, Hansen Lampfleisch des verber tochter, vogtber wirdet und zu seinen iren¹ volligen beschaiden jarn kumbt, so sullen ir dann von der obgenanten sumen geraiht und gegeben werden xxxii tl. d. anvercziehen, die ir ir éndel Anna weilnt des egenant Wagner hausfraw selige geschafft hat nach laut irs geschefftz das im statpuch geschriben stet. Ging si aber ungevogte ab, so sullen denn dieselb xxxii tl. d. gevallen und gegeben werden nach innhaldung des benanten geschéfftz ungeverlich. Actum an Montag nach sant Lucein tag, anno etc. xxxviiiio.

Summa iii s. vi d.

Habet cedulam.