Eintrag vom 1440-08-17Informationen zum Dokument

Jorg Rat, burger ze Wienn, und Dorothe, sein hausfrau, habent versaczt die uberteurung seins irs¹ hauss, gelegen bey dem Liechtensteg zu Wienn zenagst Wilhalm des Merttinger haus. Uber die funfhundert und sechczig guldein, die Walthezar Ringlstainer und Barbara sein hausfraw vor darauf habent, dem erbern Erharten Peylhakch und seinen erben, umb zway hundert pfunt Wiener pfening und sind zu beczalen auf sant Kathrein tag nagst künftig anvercziehen. Actum an Mitichen post Assumpcionis Marie, anno etc. xlo.

Summa xiii s. x d.

Habet cedulam.

Andre Hiltprant hat an stat Erharts Peilhakchen den genanten sacz ledig gesagt und und der benant Peilhakch wenn der in xiiii tagen nagstkunftigen kombt der sol seinen willen auch darczu geben und ob des nicht beschech so hat Jorg Kellner noch dem genanten Andren gelobt pei dem puch die cc tl. d. zu von des saczs wegen zu dem puch ze legen anvercziehen. Actum an Montag nach Pangracii, anno etc. xliiio.